பேய்க்குப் பயந்த யாழ்ப்பாண கடைக்காரர்கள் ஐயரைக் கொண்டு செய்த வேலை இது

பேருந்து நிலை­யத்­துக்கு அரு­கில் உள்ள சிற்­றங்­கா­டிக் கடைத்­தொ­கு­தி­யில் மாந­கர சபை­யின் ஏற்­பாட்­டில் கடந்த சில தினங்­க­ளுக்கு முன்­னர் சாந்தி செய்­யப்­பட்­டது.
யாழ்ப்­பா­ணம் மத்­திய பேருந்து நிலை­யத்­துக்கு அண்­மை­யில் உள்ள சிற்­றங்­கா­டி­யில் பணி­பு­ரி­ப­வர்­கள் மற்­றும் அவர்­க­ளின் உற­வி­னர்­கள் தொடர்ச்­சி­யாக இறந்­த­னர் என­வும் அதற்கு அங்கு பேய் நட­மாட்­டம் இருப்­பதே கார­ணம் எனவும் வர்த்­த­கர்­க­ளால் கூறப்­பட்டு வந்­தது.
இத­னால் கொழும்பு சுகா­தார அமைச்சு இது தொடர்­பாக விசா­ரணை செய்து அறிக்­கை­யி­டு­மாறு பணிக்­கப்­பட்­டி­ருந்­தது. கொழும்பு சுகா­தார அமைச்­சின் அறி­வு­றுத்­த­லுக்கு அமைய அண்­மை­யில் சிற்­றங்­காடி பகு­தி­யில் சுகா­தா­ரப் பிரி­வி­னர் ஆய்வை மேற்­கொண்­ட­து­டன் அங்­குள்­ள­வர்­க­ளி­டம் விசா­ர­ணை­களை மேற்­கொண்­ட­னர். மேலும் இறந்­த­வர்­கள் தொடர்­பி­லும் ஆரா­யப்­பட்­டது.
இந்­த­நி­லை­யில் புதி­தாக அமைக்­கப்­பட்ட சிற்­றங்­கா­டி­ யில் பூஜை எது­வும் இடம்­பெ­றா­மை­யா­லும், பேய் உள்­ளது என மூட நம்­பிக்கை மக்­கள் மத்­தி­யில் உலா­வி­ய­தா­லும் மக்­க­ளது மன­நி­றை­வுக்­காக அங்கு சமய முறைப்­படி சாந்தி, காவல் போன்­றன செய்­யப்­பட்­டன எனத் தெரி­விக்­கப்­ப­டு­கின்­றது.


காலி கடலில் 147 வருடங்களுக்கு முன்பு மூழ்கிய கப்பல் கண்டுபிடிப்பு!

வரலாற்று சிறப்புமிக்க கப்பல் ஒன்று இலங்கை கடல் தொல்பொருளியல் பிரிவினால் மேற்கொள்ளப்பட்ட ஆய்வின் மூலம் கண்டுபிடிக்கப்பட்டுள்ளது.

காலி துறைமுகத்திற்கு ஏழு கடல் மைல்கள் தொலைவில், 30 மீற்றர் ஆழ் கடலிலேயே பிரித்தானிய ரோயல் தபால் சேவைக்காக பயன்படுத்தப்பட்ட “RMS RANGOON” என்ற மிக பழமையானதும், தொல்லியல் மதிப்பு கொண்ட கப்பலே தொல்பொருளியல் பிரிவினால் கண்டுபிடிக்கப்பட்டுள்ளது.

“ROYAL MAIL SHIP” என்பதனை குறிக்கும் வகையிலேயே இந்த கப்பல் “RMS” என்று அழைக்கப்படுகின்றது.

நீராவி சக்தியில் இயங்கும் இந்த கப்பல் 1871ஆம் ஆண்டு நவம்பர் மாதம் முதலாம் திகதி காலி கடலில் மூழ்கியதாக கூறப்படுகின்றது.

மத்திய கலாச்சார நிதியினால் மேற்கொள்ளப்பட்ட கடல் ஆய்வின் ஊடாக இந்த கப்பலின் பல முக்கிய பாகங்கள் உறுதி செய்யப்பட்டுள்ளன.


அவுஸ்திரேலியாவிலிருந்து யாழ்ப்பாணம் வந்து தெருநாய்க்கு சத்திரசிகிச்சை செய்த மிருக வைத்தியர்

அவுஸ்ரேலியாவில் கால்நடை மருத்துவராகப் பணியாற்றும் அளவெட்டியைச்சேர்ந்த சின்னத்தம்பி கஜேந்திரன் மல்லாகம் சந்தியில் நின்ற புற்றுநோயால் பாதிக்கப்பட்ட தெருநாய் ஒன்றை பிடித்துச்சென்று, யசீவன் என்ற கால்நடை வைத்தியரின் சத்திர சிச்சைக்கூடத்தில் வைத்து சாத்திரசிகிச்சையை மேற்கொண்ட பின் மீண்டும் மல்லாகம் சந்தியில் கொண்டு வந்து விட்டுள்ளார்.இவரது சேவையை பார்த்தவர்கள் பாராட்டியுள்ளனர்.







யாழில் களைகட்டிய எம்.ஜி.ஆரின் 101வது பிறந்த தின நிகழ்வுகள்!!

யாழ்பாணம் எம். ஜி. ஆர் நற்பணி மன்றத்தின் ஏற்பாட்டில் எம்.ஜி. ஆரின் 101 வது பிறந்த தின நிகழ்வுகள் நேற்று செவ்வாய்க்கிழமை இடம்பெற்றது.காலை 8.30 மணியளவில் நல்லூர் கல்வியங்காட்டுச் சந்தியில் அமைந்துள்ள எம்.ஜீ. ஆர் சிலையருகே இவ் நிகழ்வுகள் இடம்பெற்றன.

இந் நிகழ்வில் இந்திய துனைத் தூதுவர் ஆர்.நடராஐன், பொதுமக்கள் உட்பட பலர் கலந்து கொண்டனர்









வேட்டி அணிந்து பாரம்பரிய முறையில் பொங்கல் கொண்டாடிய கனடா பிரதமர்

கனடாவில் 2016-ம் ஆண்டு எடுக்கப்பட்ட கணக்கெடுப்பின் படி ஒரு லட்சத்து ஐம்பத்து ஏழாயிரம் தமிழ் மக்கள் வசித்து வருகின்றனர். அந்த ஆண்டு அக்டோபர் மாதம் கனடா பாராளுமன்றம் அறிவிப்பு ஒன்றை வெளியிட்டது. அதன்படி ஒவ்வொரு ஆண்டும் ஜனவரி மாதம் தமிழ் பாரம்பரிய மாதமாக கொண்டாடப்படுகிறது.

இந்நிலையில், இன்று கனடாவில் உள்ள தமிழ் சமூக மக்களுடன் இணைந்து பிரதமர் ஜஸ்டின் பொங்கல் பண்டிகை கொண்டாடினார். அப்போது, தமிழ் பாரம்பரிய ஆடையான வேட்டி அணிந்து பொங்கல் வைத்தார்.
இவ்விழாவில் டோரண்டோ மாநகர மேயர் ஜான் டோரியும் கலந்து கொண்டார். ஜஸ்டின் மற்றும் ஜான் இணைந்து பொங்கல் சமைத்தனர். பின்னர் ஜஸ்டின் தமிழ் மக்களிடையே பேசினார். அவர்களுக்கு பொங்கல் வாழ்த்துக்கள் கூறினார்.

இந்நிகழ்ச்சியின் போது எடுத்த புகைப்படத்துடன் பொங்கல் வாழ்த்துகளையும் டுவிட் செய்துள்ளார். அதில் அனைவருக்கும் இனிய தை பொங்கல் மற்றும் தமிழ் பாரம்பரிய மாத வாழ்த்துக்கள் என தமிழில் தெரிவித்துள்ளார். இந்த விழாவில் கலந்து கொண்டது மிகவும் மகிழ்ச்சியளிக்கிறது எனவும் அவர் குறிப்பிட்டிருந்தார்.

ஜஸ்டின் தமிழ் பாரம்பரிய விழாக்களை கொண்டாடுவதில் மிகவும் ஆர்வம் காட்டி வருகிறார். அவரின் இந்த முயற்சி மகிழ்ச்சியளிப்பதாக கனடாவாழ் தமிழர்கள் கூறுகின்றனர்.






அரசியல் களத்தில் ரஜினிகாந்த்- கமல்ஹாசன் முந்தபோவது யார்?

ஜெயலலிதாவின் மரணம், கருணாநிதியின் செயல் பட முடியாத நிலை ஆகிய வற்றால் தமிழக அரசியல் களத்தில் வெற்றிடம் ஏற்பட்டுள்ளது. இந்த இடத்தை பிடிப்பதற்கே இவர்கள் இருவரும் களம் இறங்கியுள்ளனர்.
சினிமாவில்  போட்டி போட்டுக்   கொண்டு நடித்து புகழின் உச்சியை தொட்ட ரஜினியும், கமலும் ஒரே நேரத்தில் அரசியல் களத்திலும் கால் பதித்துள்ளனர். 

இவர்களில் ரஜினி மீது நீண்ட காலமாகவே அரசியல் பார்வை விழுந்து இருந்தது. கடந்த 20 ஆண்டுகளாக அரசியலுக்கு வருவாரா? மாட்டாரா? என்கிற எதிர் பார்ப்புகளுக்கு இப்போது தான் ரஜினி முற்றுப்புள்ளி வைத்துள்ளார். அதே நேரத்தில் கமல் மீது எந்தவிதமான அரசியல் பார்வையும் எப்போதும் வீசப்பட வில்லை. அவர் திடீரென அரசியலில் குதித்தார்.

ரஜினிக்கு முன்பே தனது அரசியல் பிரவேச அறிவிப்பை வெளியிட்ட கமல், அதற்கான அடித்தளத்தையும் போட்டார். ‘மையம் விசில்’ என்கிற செயலியையும் அறி முகம் செய்து வைத்தார். மக்கள் பிரச்சினைகளுக் காக குரல் கொடுக்க நினைப்பவர்கள் யாராக இருந்தாலும் இந்த விசிலை அடிக்கலாம் என்றும் அவர் அறிவித்தார்.

தனது அரசியல் பிரவேசம் தொடர்பாக அவ்வப்போது டுவிட்டர் மூலமாக பதி விட்டு வந்த கமல் சமூக பிரச்சினைகளையும் அலசினார். இந்த நிலையில் வருகிற 26-ந்தேதி குடியரசு தினம் முதல் தமிழகம் முழுவதும் சுற்றுப்பயணம் செய்ய அவர் திட்டமிட்டுள்ளார்.  இதற்கான அறிவிப்பை வெளியிட்டுள்ள கமல் வருகிற 18-ந்தேதி அது தொடர்பான முக்கிய அறிவிப்புகளையும் வெளியிடுவேன் என்றும் அறிவித் துள்ளார்.

தனது சுற்றுப்பயணத்தின் போது ரசிகர்கள், பொது மக்களை சந்திக்கும் கமல் பொதுக்கூட்டங்களிலும் பேச    திட்டமிட்டுள்ளார். தான் தங்கும் ஓட்டல்களில் ரசிகர்களை  முதலில் சந்திக்கும் அவர் பின்னர் பொதுமக்களை நேரில் சென்று சந்திக்க உள்ளார். 

சுற்றுப்பயணம் செய்யும் ஊர்களில் நீண்ட காலமாக தீர்க்கப்படாமல் இருக்கும் பிரச்சினைகள் என்ன? என்பது பற்றி கணக்கெடுக்க வும் ரசிகர்களுக்கு கமல் உத்தரவிட்டுள்ளார்.

சுற்றுப்பயணத்தின்போது, அந்த பிரச்சினைகள் பற்றி பொதுமக்களோடு கலந்து ஆலோசிக்கவும் முடிவு செய்துள்ளார்.

சுற்றுப்பயணத்தை எங்கி ருந்து தொடங்குவது? எந்த வகையில் பொதுமக்களை சந்திப்பது என்பது பற்றிய விவரங்களை  நாளை மறுநாள் கமல் அறிவிக்கிறார். முதல் கட்டமாக சில மாவட் டங்களில் மட்டும் ரசிகர்கள் மற்றும் பொதுமக்களை கமல் சந்திப்பார் என்று கூறப்படுகிறது.இந்த சந்திப்பு முடிந்த பின்னர் கமலின் அடுத்தடுத்த சந்திப்புகள் இருக்கும் என்று எதிர்பார்க்கப்படுகிறது. 

கமல் புதிய கட்சி தொடங்குவதை அடுத்து தமிழக அரசியல் களத்தில் பரபரப்பு ஏற்பட்டு உள்ளது.கமல் அரசியல் கட்சி குறித்த அறிவிப்பை வெளியிடும் பட்சத்தில் அது ரஜினிக்கு நெருக்கடியை ஏற்படுத்தும். அதன் பின்னர், ரஜினியும் கட்சி, கொடி குறித்த அறிவிப்பை விரைவில் வெளியிட வேண்டிய கட்டாயத்திற்கு தள்ளப்படுவார். இதனால் விரைவில் மீண்டும் இரு துருவ அரசியல் தமிழகத்தில் உறுதி செய்யப்பட வாய்ப்புள்ளது. ரஜினியும், கமலும் அரசியல் களத்தில் இறங்கும் பட்சத்தில் திமுக, அதிமுகவுக்கு மாற்றாக அவர்கள் மாறுவார்களா என்பதை பொறுத்திருந்து தான் பார்க்க வேண்டும்.

ரஜினி கமலின் அரசியல் பிரவேசம் தமிழக மக்கள் மத்தியில் தாக்கத்தை ஏற்படுத்துமா? என்பதை பொறுத்திருந்து தான் பார்க்க வேண்டும்.


எம்எல்ஏக்களை தகுதி நீக்கம் செய்ய சபாநாயகருக்கு நீதிமன்றம் உத்தரவிட முடியாது- அரசு தரப்பு வழக்கறிஞர்

நம்பிக்கை வாக்கெடுப்பின் போது அரசுக்கு எதிராக வாக்களித்த பன்னீர்செல்வம் அணியினருக்கு எதிராக தகுதி நீக்க நடவடிக்கை கோரி  திமுக கொறடா சக்கரபாணி தாக்கல் செய்த மனு மீதான விசாரணையின் போது தமிழக முதல்வர் எடப்பாடி பழனிசாமி சார்பில் ஆஜரான வழக்கறிஞர் வைத்தியநாதன் சென்னை ஐகோர்ட்டில் இந்த விளக்கத்தை அளித்தார்.

எம்எல்ஏக்களை தகுதி நீக்கம் செய்வது குறித்து சபாநாயகர்தான் முடிவு எடுக்க வேண்டும் என்றும் அரசு வழக்கறிஞர் கூறியுள்ளார்.

அரசுக்கான ஆதரவை விலக்கிக் கொண்ட தினகரன் அணியிருக்கு நோட்டீஸ் அனுப்பப்பட்டுள்ள நிலையில், அதற்கு முன்னதாக அதிமுகவில் இருந்து பிரிந்து சென்ற ஓபிஎஸ் ஆதரவாளர்கள் மீது ஏன் நடவடிக்கை எடுக்கவில்லை என்று திமுக சார்பில் ஆஜரான வழக்குரைஞர் கபில் சிபல் வாதத்தை முன் வைத்தார்.

இந்த நிலையில், வழக்கு குறித்து பதில் மனு தாக்கல் செய்ய ஓபிஎஸ் தரப்பில் கால அவகாசம் கோரியதால், விசாரணை பிப்ரவரி 13ம் தேதிக்கு ஒத்திவைக்கப்பட்டது. ஒரு வாரத்தில் மனுதாரர் தரப்பிலும் பதில் அளிக்க சென்னை ஐக்கோர்ட்  உத்தரவிட்டுள்ளது.