யாழில் இளைஞர்களால் தாக்கப்பட்ட யுவதி!

யாழ்ப்பாணத்தில் குட்டை பாவாடை அணிந்த யுவதியை இளைஞர்கள் கடுமையாக தாக்கியதாக தெரிய வந்துள்ளது.

இந்த தாக்குதல் சம்பவம் நேற்று முன்தினம் பலாலி வீதி, உரும்பிராய் பகுதியில் இடம்பெற்றுள்ளது.

அந்தப் பகுதியில் நண்பகல் வேளையில், யுவதி ஒருவர் மோட்டார் சைக்கிளில் நின்று தொலைபேசியில் உரையாடியுள்ளார். நண்பகல் வேளை என்பதால் சன நடமாட்டம் குறைந்து காணப்பட்டுள்ளது.

அப்போது அவ்வழியாக வந்த இரு இளைஞர்கள் குறித்த யுவதிக்கு அருகில் வந்து கையில் இருந்த தொலைபேசியை தட்டி விட்டதுடன், குட்டைப் பாவாடை போடுவியா? என கேட்டுத் தாக்கியுள்ளனர். அத்துடன் மோட்டார் சைக்கிளையும் கீழே தள்ளி விட்டு தப்பிச் சென்றுள்ளனர்.

பின்னர் வீதியால் சென்ற பொதுமக்கள் யுவதியிடம் நடந்தவற்றை கேட்டு அவரை ஆறுதல் படுத்தியதுடன் வீட்டுக்கு அனுப்பி வைத்தனர். குறித்த விடயம் தொடர்பாக பொலிஸ் நிலையத்தில் முறைப்பாடு செய்ய முன்வரவில்லை என்பது குறிப்பிடத்தக்கது.


Share on Google Plus

About Editer

எமது தளம் பற்றிய உங்கள் கருத்துக்கள் வரவேற்கத்தக்கது. உங்கள் கருத்துக்களை [email protected] என்ற மின்அஞ்சல் முகவரிக்க அனுப்பிவையுங்கள். நன்றி