நீதி கோரி கிளிநொச்சியில் முன்னெடுக்கப்பட்ட ஆர்ப்பாட்டம்!!

முல்லைத்தீவு - திருமுறிகண்டியை பகுதியில் இளம் குடும்பப் பெண் கொலை செய்யப்பட்டதை கண்டித்தும் கொலையாளிகளை கைது செய்து சட்டத்தின் முன் நிறுத்தக் கோரியும் கவனயீர்ப்புப் போராட்டம் முன்னெடுக்கப்பட்டுள்ளது.

குறித்த போராட்டம் முல்லைத்தீவு - முறிகண்டி பகுதியில் இன்றுகாலை இடம்பெற்றுள்ளது.

குறித்த சம்பவத்தில் கறுப்பையா நித்தியகலா என்ற 32 வயதுடைய இளம் குடும்பப் பெண்ணே கொலை செய்யப்பட்டிருந்தார்.

கிளிநொச்சி - அறிவியல் நகர பகுதியில் ஆடைத்தொழிற்சாலை ஒன்றில் பாதுகாப்பு உத்தியோகத்தராக கடமையாற்றி வந்த குறித்த பெண் கணவனால் கைவிடப்பட்ட ஒரு பிள்ளையின் தாயான நித்தியகலா கடந்த 28ம் திகதி மாலை 7.15 மணிக்கு கடமையில் இருந்து திரும்பியுள்ளார்.

இந்த நிலையில் மறுநாள் 29ம் திகதி பகல் கிளிநொச்சி பன்னங்கண்டிப்பகுதியில் கழுத்து நெரித்து கொலை செய்யப்பட்ட நிலையில் சடலமாக மீட்கப்பட்டுள்ளார்.

இப் பெண்ணின் கொலைக்கு நீதி கோரி முல்லைத்தீவு திருமுறிகண்டிப்பகுதியில் பொது அமைப்புக்கள் மற்றும் பெண்கள் அமைப்புக்களின் ஏற்பாட்டில் குறித்த கவனயீர்ப்பு போராட்டம் முன்னெடுக்கப்பட்டுள்ளது.

திருமுறிகண்டி பிள்ளையார் ஆலயத்திற்கு முன்பாக குறித்த பேரணி ஆரம்பமாகி வசந்த நகர் கிராம அபிவிருத்திச் சங்க மண்டபத்தை சென்றடைந்து அங்கு ஜனாதிபதி, பொலிஸ்மா அதிபர், முதலமைச்சர் ஆகியோருக்கான மனுக்கள் கையளிக்கப்பட்டன.

இக் கவனயீர்ப்புப் போராட்டத்தில் நாடாளுமன்ற உறுப்பினர்களான சாந்தி சிறிஸ்கந்தராஜா சிவஞானம் சிறீதரன், மாகாண சபை உறுப்பினர்களான து.ரவிகரன் ஆ புவனேஸ்வரன், த.குருகுலராஜா, சு.பசுபதிப்பிள்ளை, உள்ளூராட்சி மன்ற உறுப்பினர்கள் பெண்கள் அமைப்புக்களின் பிரதிநிதிகள் பொதுமக்கள் எனப்பலர் கலந்து கொண்டுள்ளனர்.படுகொலை செய்யப்பட்ட நித்தியகலாவிற்கு நீதி கோரி கிளிநொச்சியிலும் ஆர்ப்பாட்டம் முன்னெடுக்கப்பட்ட குறித்த ஆர்ப்பாட்டம் இன்று காலை 10.30 மணியளவில்கிளிநொச்சி சேவை சந்தை முன்பாக இடம்பெற்றுள்ளது.

சமத்துவம் சமூக நீதிக்கான மக்கள் அமைப்பு ஏற்பாடு செய்திருந்த குறித்த ஆர்ப்பாட்டத்தில் கிராம மட்ட அமைப்புக்கள் பலவும் கலந்து கொண்டிருந்தன.

கிளிநொச்சி சேவை சந்தைக்கு முன்பாக இடம்பெற்ற ஆர்ப்பாட்ட குழுவினர் ஏ9 வீதி ஊடாக கிளிநொச்சி பொலிஸ் நிலையம் வரை பேரணியாக சென்றனர்.

அங்கு பொலிஸ்மா அதிபருக்கான மகஜரை கிளிநொச்சி, முல்லைத்தீவு மாவட்ட பிரதி பொலிஸ்மா அதிபரிடம் கையளித்துள்ளனர்.

இதன் போது ஊடகங்களிற்கு கருத்து தெரிவித்த முன்னால் நாடாளுமன்ற உறுப்பினர் சந்திரகுமார் குறிப்பிடுகையில், கொடுரமாக படுகொலை செய்யப்பட்ட நித்தியகலாவிற்கு நீதி கிடைக்க வேண்டும்.

குறித் செயலை செய்த குற்றவாளிகளை விரைந்து கைது செய்ய வேண்டும் எனவும், மாவட்டத்தில் காணப்படும் குற்ற செயல்களை கட்டுப்படுத்த வேண்டும்.

போராட்டத்தில் ஈடுபட்ட பெண்கள் குறிப்பிடுகையில், தொடர்ச்சியாக பெண்களுக்கு எதிராக கொடுமைகள் இடம்பெற்று வருவதாகவும், அவற்றை கட்டுப்படுத்த நடவடிக்கை எடுக்க வேண்டும்.

அதேவேளை மாவட்டத்தில் நிலவும் போதைப்பொருள் பாவணை உள்ளிட்டவற்றை விரைந்து கட்டுப்படுத்த வேண்டும் எனவும் இதன் போது குறிப்பிட்டுள்ளனர்.


Share on Google Plus

About Editer

எமது தளம் பற்றிய உங்கள் கருத்துக்கள் வரவேற்கத்தக்கது. உங்கள் கருத்துக்களை [email protected] என்ற மின்அஞ்சல் முகவரிக்க அனுப்பிவையுங்கள். நன்றி